जाग-जाग कोचबाशी ला

जाग-जाग कोचबाशी ला,

आझी बेहान् हयचे,

अप्नार हक्-अधिकारेर् बादे,

लड्बार दिन् आसिचे,

ना भुली ईखान् भुमी,

हय् हामार् पहिचान्,

हामार् पहिचान् मेटवा चाहले,

नि छरी रहलौऊ चिन्-जान्,

भाषा-संस्कृतिर धनी हामा,

ईखान् भुमिर् आदिबाशी,

ईखान् भुमित् हामार् हक् अधिकारेर् बादे,

सभाय मिलिये लरी,

सहते छिन नि बोलिसिन,

सिधा जानिये हेप्ले,

हामार जग्गा-जमिन्,धन्-सम्पति,

फुस्लाई करे लुट्ले,

जाग-जाग कोचबाशी ला,

आझी बेहान् हयचे,

अप्नार हक्-अधिकारेर् बादे,

लड्बार दिन् आसिचे......।

 रचना :- अनिल कुमार राजवंशी